Päischtcamp
Den 8. Juni hu mir eis mat engem Bus op de Wee op Ostend gemaach, wou mir de Camp mat engem Rallye gestart hunn. Duerno si mir de Rescht vum Wee mam Bus op Bredene gefuer, wou sech eise Chalet befonnt huet. Owes hu mir dunn "Klapp de Chef" gespillt. Duerno si mir an d'Bett gaange fir datt mir den nächsten Dag fit wieren.
Den Dag drop hu mir de ganzen Dag op der Plage verbruecht wou mir Spiller, e Volleyballstournoi an e Sandbuergecontest gemaach hunn.
De leschten Dag hu mir eis mat engem klenge Picknick op de Wee Richtung Lëtzebuerg gemaach. Ënnerwee hu mir dunn e Stopp zu Dinant ageluecht, wou mir entweder geklotert oder Kayak gefuer sinn.
Dat war eise klenge, flotte Päischtcamp.
Chillt Mat 2018
Den 19. Mee 2018 sinn d'Äischener, d'Bartrenger, d'Centser, d'Walfer, d'Lampertsbierger an d'Leidelenger CaraPio zesumme mam Bus an d'Vogese gefuer. Dëst war zum Ulass vun eisem jährleche Päischtcamp vun der CaraPio Regional Ekipp.
Um Schildmatt an de Vogesen ukomm, si mir gewuer ginn, datt de Camp Chillt Mat heescht a mir 3 Deeg an enger klenger, chilleger Hütt um Bierg verbrénge wäerten. Samschdes Mëttes hu mir dunn eng Rei vu sportlechen Aktivitéite gemaach, déi mer eng "Chillympiad" genannt hunn.
Eisen zweeten Dag huet scho fréi ugefaangen, well en Hike duerch d'Vogesen ustoung. Den Hike war vu gudder Distanz a bal all Grupp ass mat Zäit nees zréck gewiercht. Mer konnten eng verdéngten Dusch huelen an hunn dunn Yoga gemaach. De Rescht vum Owend hu mer nach mat Volleyball, Kaartespiller an engem Lagerfeier gefëllt.
De leschten Dag hu mer eis Saache gepaakt, de Chalet geraumt a sinn da mam Bus op Stroossbuerg gefuer. Do hu mer eng flott Partie Mister X gespillt an eis dono op den Heemwee gemaach.
De Camp huet eis insgesamt ganz gutt gefall a mir hu vill nei Frëndschafte geschloss.
JoCaPi 2018
D'leidelenger CaraPio hu sech Moies fréi, den 25. Mäerz 2018 op de Wee op Nidderaanwen op d'JoCaPio gemaach. D'Thema vun der dësjäreger JOurnée CAraPIo war "D'Alice am Wonnerland". Wärend eisem Rallye duerch de Bësch misste mir vill verschidde Spiller maachen a Froebéi ausfëllen wéi z.B. "Schwammball" a "Memory".
Beim Spill "Schwammball" goung et drëms ee, mat Waasser voll gesuckelte Schwamm iwwert eng Plan ze schéissen, wou dann de Rescht vun der Ekipp en huet missen opfänken an iwwert engem Eemer ausquetschen. D'Zil vum Spill war et, den Eemer sou séier wéi méiglech opzefëllen. Dobäi goungen puer Saachen schif an duerno wa jiddwereen naass a knaschteg.
De Memory dogéint war mat Figuren aus der Geschicht "D'Alice am Wonnerland" an ëmmer wann een zwou Kaarten ëmgedréint huet, déi net zesumme passen, misst een e Parcours lafen.
Déi Grupp, déi déi meeschte Punkte bei de Spiller an de Froe gesammelt huet, gewënnt e Gedrénks a muss d'JoCaPi dat Joer drop organiséieren. Mëttes gouf et du Spaghetti ze iessen a Kuch fir deen een extra bezuele misst ;)
Nom Mëttegiessen si mir dann nach en anere Wee gaangen, wou mir nach aner Aktivitéite maache missten. Mir hu vill aner Scouten erëmgesinn, déi mir scho vum Go|Urban kannt hunn.
Zum Schluss war dann nach d'Präisiwwerreechung (d'nächst Joer gi mir op Miersch) an da konnte mir heemgoen, mat ville neien Erfarungen a Kenntnisser iwwert d'Mäerchen. Mir hunn e schéinen Sonndeg zu Nidderaanwen verbruecht.
Christelle, Luna & Simon vun de CaraPio
04.02.2018 Klapp de Scout
Och dësst Joer wor den Klapp de Scout en gelongenen Mëtteg fir d'Ganz Famill mat Spill a Spass.
Biber- a Wëllefchersmontée 2017
Wéi all Joer, sinn d'Leidelenger Guiden a Scouten och dëst Joer op de Montéesweekend gaangen. Hei maachen ëmmer déi eelst Kanner a Jugendlecher aus enger Branche hier Montée an déi nächst Branche. Och déi grouss Biber maache schonn eng Montée fir an d'Wëllefcher erop ze goen. De Montéesweekend 2017 huet vum 20. bis den 21. Oktober an a ronderëm d'Géisserei an der Stad stattfonnt.
Samsdes Owes hunn d'Biber an d'Wëllefcher zesummen e Nuets-Rallye zum Thema "Finding Dory" gemaach. Sonndes Moies stounge verschidde flott Aktivitéiten zum Thema "Dreck am Mier" um Programm. Nom Mëttegiessen huet all Biber a Wëllefchen ee Flooss aus Naturmaterial gebaut, dee mir als Ofschloss op der Baach schwamme gelooss hunn.
